கிரிக்கெட் வரலாற்றில் அதிக விக்கெட் வீழ்த்திய கிரிக்கெட் வீரர் முத்தையா முரளிதரனின் வாழ்க்கை மற்றும் போராட்டத்தை அடிப்படையாகக் கொண்டது 800 திரைப்படம்.

இப்படத்தில் மதுர் மிட்டல் மற்றும் மஹிமா நம்பியார் ஆகியோர் முக்கிய வேடங்களில் நடித்துள்ளனர். இவர்களுடன் நாசர், கிங் ரத்னம், நரேன், சரத் லோஹிதாஷ்வா, வேல ராமமூர்த்தி, வடிவுக்கரசி, ஹரி, ஜானகி, சரத் லோகி, யோக் ஜேபி, ரித்விகா, ரித்விக், பிருத்வி மற்றும் பலர் முக்கிய வேடங்களில் நடித்துள்ளனர்.

ஆர்.டி.ராஜசேகர் ஒளிப்பதிவு செய்ய, ஜிப்ரான் இசையமைத்துள்ள இப்படத்திற்கு மூவி ட்ரெயின் மோஷன் பிக்சர்ஸ் பேனரில் விவேக் ரங்காச்சாரி தயாரித்துள்ளார். மக்கள் தொடர்பு டிஒன் ரேகா, சுரேஷ்சந்திரா.

இலங்கையின் சுழற்பந்து வீச்சாளர் முத்தையா முரளிதரனின் களப்பயணம் பற்றி நாம் அனைவரும் அறிவோம். ஒவ்வொரு கிரிக்கெட் காதலரும் தீவிரமான போட்டிகளின் போது அவரது அற்புதமான பந்துவீச்சை பார்த்திருப்பார்கள், ஆனால் கிரிக்கெட் மைதானத்திற்கு வெளியே இந்த வாழும் லெஜண்டின் உண்மையான போராட்டங்களின் கதையை பார்வையாளர்களுக்கு அறிமுகப்படுத்துவது இதுவே முதல் முறை. நடுத்தரக் குடும்பத்தில் இருந்து வந்து, கலவரங்களை சந்திக்கும் முரளிதரனின் கதை. ஒடுக்கப்படுவது, தவறாக நடத்தப்படுவது, தாக்கப்படுவது, கொடுமைப்படுத்துவது என அனைத்தையும் கடந்து கிரிகெட் விளையாட்டு வரலாற்றில் 800 விக்கெட் எடுத்து உலக சாதனை படைத்தவர் ஆனார். படத்தில் விவரிக்கப்பட்டுள்ளபடி, கனவு காணவும், அதைப் பின்பற்றவும் அனைத்து கிரிகெட் விரும்பிகளை 800 தூண்டும். காலேயில் நடந்த இலங்கை மற்றும் இந்தியா டெஸ்ட் இரண்டாவது நாளிலிருந்து கதையை ஸ்ரீபதி தொடங்குகிறார். தினசரி பத்திரிகை ஆசிரியராக நாசரை கொண்டு, அடுத்த ‘மூன்று நாட்கள்’ டெஸ்டின் போக்கில் சாதனைக்காரனின் வாழ்க்கைக் கதையை விவரிக்கிறார். அத்துடன் ஈழத்தைச் சேர்ந்த ஒரு இலங்கைத் தமிழரை நாசருக்கு எதிரே நிலைநிறுத்தியது இயக்குனரின் அற்புதமான நடவடிக்கை. அதில், முரளிதரனின் வாழ்க்கையின் பல அம்சங்களில் – குழந்தைப் பருவம், அவர் எப்படி கிரிக்கெட் வீரரானார், எப்படி சர்வதேச அணிக்குத் தேர்ந்தெடுக்கப்பட்டார், ஒரு காலத்தில் சக்கிங் என்று அழைக்கப்பட்ட ஒருவர். கொடுமைப்படுத்தியவர்களுக்கு எதிராக நின்று, பின்னர் உலக அளவில் மிகச் சிறந்த கிரிக்கெட் வீரர்களில் ஒருவராக அங்கீகரிக்கப்பட்ட அவர் ஒரு உற்சாகமான தலைசிறந்த சுழற்பந்து வீச்சாளராக இருந்து கிரிக்கெட் வரலாற்றில் அதிக விக்கெட் வீழ்த்தியவராக மாறி இலங்கையை முன்னெடுத்துச் சென்று சிறந்த கிரிக்கெட் வீரர்களில் ஒருவராகத் திகழ்ந்த தமிழர் ஒருவரின் எழுச்சியூட்டும் கதையை விவரிக்கிறார். பிறகு க்ளைமாக்ஸில், பத்திரிகை ஆசிரியர் நாசர், கிரிக்கெட்டில் முத்தையா முரளிதரன் போல வருவான், நாட்டுக்காக முத்தையா முரளிதரனுடன் இணைந்து விளையாடுவார் என்று எதிர்பார்த்த நிலையில் குண்டுவீச்சில் கால்களை இழந்த அவரது விளையாட்டுப் பத்திரிகையாளர் மகனுடன் கிரிக்கெட் கனவுகளுடன் மைதானத்திற்கு அழைத்துச் செல்கிறார், மேலும் முரளி தனது 800 வது விக்கெட்டை பெறுவதற்கு ஆவலுடன் காத்திருக்கிறார்.முத்தையா முரளிதரன் பாத்திரத்தில் மதுர் மிட்டல் மிகச் சிறப்பாக முரளியைப் போல் வாழ்ந்திருக்கிறார். டீன் ஏஜ் மற்றும் வயதான முரளியாக தனது உடல் மொழி மற்றும் பந்து வீச்சு போன்ற முக்கியமான அசைவுகளை வெளிப்படுத்தி வெற்றிகரமாகப் பிரதிபலிக்கிறார். அதே போல் அனைத்து உணர்ச்சிகரமான காட்சிகளிலும் சிறப்பாக நடித்துள்ளார்.

முத்தையா முரளிதரனின் திறமைக்கு பக்கபலமாக இருந்த இலங்கை கிரிக்கெட் அணியின் முன்னாள் கேப்டன் அர்ஜுன ரணதுங்காவாக கிங் ரத்னம் சிறப்பாக செயல்பட்டுள்ளார்.

அனைத்து முன்னாள் கிரிகெட் விளையாட்டு வீரர்களின் திரை தோற்றத்திற்கு நம்பகத்தன்மையை கொண்டு வந்ததற்காக தோற்ற வடிவமைப்பாளரைப் பாராட்டியே ஆக வேண்டும்.

முத்தையா முரளிதரனின் மனைவியாக மஹிமா நம்பியார், நாசர், நரேன் மற்றும் ஷரத் லோஹிதாஷ்வா, வேல ராமமூர்த்தி, வடிவுக்கரசி, ஹரி, ஜானகி, சரத் லோகி, யோக் ஜேபி, ரித்விகா ஆகியோர் எதார்த்தமான நடிப்பை வெளிப்படுத்தி திரைக்கதைக்கு துணைநிற்கின்றனர்.

முரளியின் இளைய வேடங்களில் ரித்விக் மற்றும் ப்ரித்வி ஆகியோர் சிறப்பாக நடித்துள்ளனர்.

ஆர்.டி.ராஜசேகர் ஒளிப்பதிவு அனைத்து கிரிக்கெட் காட்சிகளும் மிகச்சிறப்பாக படமாக்கப்பட்டதுடன் அனைத்து காட்சிகளிலும் பிரேமிங் கச்சிதமாக உள்ளது.

பிரவீன் கேஎல் எடிட்டிங் மற்றும் ஜிப்ரானின் இசை மற்றும் பின்னணி இசை இந்த அற்புதமான தலைசிறந்த படைப்புக்கு வலு சேர்த்து அடுத்த கட்டத்திற்கு கொண்டு செல்கிறது.

ஐசிசி ஹால் ஆஃப் ஃபேமில் இடம் பிடித்த முதல் இலங்கை வீரரின் வாழ்க்கையின் உண்மை சம்பவங்களை அடிப்படையாகக் கொண்டு, எம்.எஸ்.ஸ்ரீபதி, மதுர் மிட்டல் மற்றும் ‘800’ குழுவினர், கிரிக்கெட்டின் தலைசிறந்த ஜாம்பவான்களில் ஒருவரான முத்தையா முரளிதரனின் கதையை சிறப்பாகச் சொல்லிய விதம் பாராட்டுக்குரியது. இயக்குனர் எம்.எஸ்.ஸ்ரீபதி தனது விளக்க காட்சியின் மூலம் பாராட்டத்தக்க பணியைச் அற்புதமாக செய்துள்ளார். அவர் அனைத்து கிரிக்கெட் காட்சிகளிலும் நம்பகத்தன்மையை அப்படியே திரையில் கொண்டு வந்துள்ளார். ‘பாக் மில்கா பாக்,’ ‘எம்.எஸ். தோனி: தி அன்டோல்ட் ஸ்டோரி,’ ‘டங்கல்,’ போன்ற இதயத்தை தொடும் பட வரிசையில் ‘800’ சந்தேகத்திற்கு இடமின்றி அந்த இடத்தைப் பிடிக்கும்.

மொத்தத்தில் மூவி ட்ரெயின் மோஷன் பிக்சர்ஸ் தயாரித்துள்ள 800, இருட்டடிப்பு பயணத்தில் உள்ளுக்குள்ளேயே போராடி, சர்ச்சைகளை முறியடித்து, வெற்றி வாகை சூடிய முத்தையா முரளீதரனின் வாழ்க்கையின் உண்மை சம்பவங்களை கிரிக்கெட் ரசிகராக இல்லாவிட்டாலும், குடும்பத்துடன் கண்டிப்பாக பார்க்க வேண்டும்.