சுழல் விமர்சனம்: சுழல் ரோலர் கோஸ்டர் திருப்பங்களுடன் சஸ்பென்ஸ் நிறைந்த முழுமையான க்ரைம் த்ரில்லர் | ரேட்டிங் – 3.5/5
வால் வாட்சர் பிலிம்ஸ் சார்பில் புஷ்கர் மற்றும் காயத்ரி தயாரிப்பில் கதிர், ஐஸ்வர்யா ராஜேஷ், ஸ்ரேயா ரெட்டி, ராதாகிருஷ்ணன் பார்த்திபன், நிவேதிதா சதிஷ், சந்தானபாரதி, எஸ்.பிரேம்குமார், ஹரீஷ்; உத்தமன், நித்தீஷ் வீரா, ஈ.குமாரவேல், எம்.இந்துமதி, லதா ராவ், கோபிகா ரமேஷ், எஃப் ஜே, எம்.பழனி, எஸ்.ஜீவா, யூசுப் உசேன் ஆகியோர் நடித்துள்ளனர்.ஒளிப்பதிவு-முகேஷ், இசை-சாம்.சி.எஸ்.,எடிட்டர்-ரிச்சர்ட் கெவின், சண்டை- திலீப் சுப்புராயன், தினேஷ் சுப்புராயன், உடை- பூர்ணிமா, நடனம்-ஸ்ரீகிரிஷ், தயாரிப்பு நிர்வாகி-கௌதம் செல்வராஜ், துணை தயாரிப்பு நிர்வாகி-எஸ்.குகபிரியா, எஸ் நந்தகுமார், ஒலி வடிவமைப்பு-சச்சின் சுதாகரன், ஹரிஹரன், பிஆர்ஒ-யுவராஜ்.
முதல் நான்கு பாகத்தை பிரம்மாவும், ஐந்து முதல் எட்டு பாகம் வரை அனுசரண்.எம் ஆகியோர் இயக்கியுள்ளனர். அமேசான் பிரைம் வீடியோவில் வெளிவந்துள்ள முதல் ஒரிஜினல் தமிழ் தொடராகவும், நீண்ட வடிவத்தில் திரைக்கதை அமைக்கப்பட்டு எட்டு அசல் தொடர்களை கொண்ட மெகா வலைதளத் தொடர் சுழல்- தி வோர்டெக்ஸ்.
சம்பலூர் கிராமத்தில் சண்முகம் (பார்த்திபன்) தனது இளைய மகள் நிலாவுடன் வசித்து வருகிறார். சிமென்ட் ஆலையில் தொழிற்சங்க தலைவராக சண்முகம் இருக்க, மசான கொள்ளை முதல் நாள் நிகழ்ச்சி நடக்கும் இரவில், தொழிற்சாலை தீப்பிடித்து எரிகிறது. மறுநாள் காலை, தன் மகள் நிலா காணாமல் போனதை உணர்ந்து தன் நண்பர்களின் உதவியுடன் அவள் இருக்கும் இடத்தை அறிய முயல்கிறார் சண்முகம். தன் சகோதரியை காணவில்லை என்பதை அறிந்ததும், நந்தினி (ஐஸ்வர்யா ராஜேஷ்) தன் தங்கையை தேட சாம்பலூருக்கு வருகிறார். மறுபுறம், சிஐ ரெஜினா (ஸ்ரியா ரெட்டி) மற்றும் எஸ்ஐ சக்கரவர்த்தி (கதிர்) ஆகியோர் தீ விபத்து வழக்கை விசாரிக்கின்றனர். சண்முகமும் தொழிற்சங்க உறுப்பினர்களும் தொழிற்சாலை மற்றும் விதிகளுக்கு எதிராக இருந்ததால், விபத்துக்கும் சண்முகத்துக்கும் தொடர்பு இருப்பதாக ரெஜினா நினைக்கிறார்.
அதே நேரத்தில், நிலாவின் காணாமல் போன வழக்கும், நிலா கடத்தப்பட்டதை வெளிப்படுத்தும் சிசிடிவி காட்சிகள் சக்கரவர்த்திக்கு கிடைக்கின்றன. பல விசாரணைகளுக்குப் பிறகு, ரெஜினாவின் ஒரே மகன் அதிசயம்தான் இதற்கு காரணம் என்று கண்டுபிடிக்கப்படுகிறது. அவர்கள் இருக்கும் இடத்தை அறிய முயலும் போலீசாருக்கு குவாரியில் நீரில் மூழ்கி இறந்த அவர்களது உடலைத் தவிர வேறு எதுவும் கிடைக்கவில்லை.ஆனால் இது தற்கொலை அல்ல கொலை என்பதை கண்டுபிடிக்கும் போலீசாருக்கு யார் உண்மையான குற்றவாளி என்று தேடுதல் வேட்டை தொடர்கிறது. இறுதியில் என்ன நடந்தது? கொலைக்கான காரணம் என்ன? தீ விபத்து எதனால் ஏற்பட்டது? என்பதே மீதிக்கதை.
இந்த வெப் சீரிஸில் ஒவ்வொரு நடிகர்களும் தங்கள் நடிப்பை மிஞ்சியுள்ளனர். ஸ்ரீயா ரெட்டி நீண்ட நாட்களுக்குப் பிறகு மீண்டும் நடிக்க வந்துள்ள இந்த தொடரின் முக்கிய புள்ளியாக ரெஜினா கதாபாத்திரத்தை இவ்வளவு எளிதாக வேறு யாரும் செய்திருக்க முடியாது. கதிர், இந்த வலைத் தொடரின் மூலம் தனது திறமையை மீண்டும் நிரூபித்து, மேலும் உணர்ச்சிகளை சித்தரித்து தொடரின் ஆன்மாவாக விளங்குகிறார்.
பார்த்திபனுக்கு ஒரு அற்புதமான கதாபாத்திரம் இரண்டு மகள்களின் தந்தையாக நடித்து, பழிவாங்கும் குணம் கொண்ட மனிதராக நன்றாகவே காட்டப்பட்டுள்ளது.
ஐஸ்வர்யா ராஜேஷ் கவலை பிரச்சனைகள் உள்ள ஒருவராகவும், அவரது வாழ்க்கையில் நடந்த சம்பவங்களால் மனச்சோர்வடைந்துள்ள நபராக சித்தரித்து அவரின் மனக்குமறல்களை வெளிக்கொணரும் கதாபாத்திரத்தில் மிளிர்கிறார்.
நிவேதிதா சதிஷ், சந்தானபாரதி, எஸ்.பிரேம்குமார், ஹரீஷ்; உத்தமன், நித்தீஷ் வீரா, ஈ.குமாரவேல், எம்.இந்துமதி, லதா ராவ், கோபிகா ரமேஷ், எஃப் ஜே, எம்.பழனி, எஸ்.ஜீவா, யூசுப் உசேன் ஆகியோர் படத்திற்கு வலு சேர்த்துள்ளனர்.
முகேஸின் ஒளிப்பதிவு இந்தத் தொடரின் முக்கிய நோக்கமான க்ரைம் த்ரில்லருக்கேற்ற வகையில் காட்சிக் கோணங்களை அமைத்துள்ளார்.
மற்றும் சாம் சிஎஸ் இத்தொடரில் கொடுத்திருக்கும் இசை சிறப்பானது.எடிட்டர்-ரிச்சர்ட் கெவின், சண்டை- திலீப் சுப்புராயன், தினேஷ் சுப்புராயன் இவர்களின் கடினமான உழைப்பு படத்தில் பளிச்சிடுகிறது.
இயக்குனர்கள் பிரம்மா மற்றும் அனுசரண் ஆகியோர் புஷ்கர் காயத்ரியின் பார்வையில் மாற்றியமைத்து பார்வையாளர்களைக் கவருவதில் வெற்றி பெறுகிறார்கள் மட்டுமல்ல இந்தத் தொடரைக் கொண்டு வந்ததற்கு அவர்களுக்கு வாழ்த்துக்கள்.
வருடாந்திர கலாச்சார விழாவான மயான கொள்ளை ஒன்பது நாள் பின்னணியில் அமைக்கப்பட்ட இந்தத் தொடர், பொய்கள், வஞ்சகம் மற்றும் சந்தேகத்திற்கிடமான கதாபாத்திரங்களின் வாயிலாக மறைக்கப்பட்ட உண்மை சம்பவங்களை உணர்ச்சிகளின் வாயிலாக கதைக்களத்தை அமைத்து பார்வையாளர்களை அவர்களின் இருக்கைகளின் நுனியில் வைத்திருக்கும் அளவிற்கு வேகமான திரைக்கதை மற்றும் நடிப்பால் கட்டிப் போடுகிறது.
மொத்தத்தில் வால் வாட்சர் பிலிம்ஸ் சார்பில் புஷ்கர் மற்றும் காயத்ரி தயாரிப்பில் அமேசான் பிரைம் வீடியோவில் வெளிவந்துள்ள எட்டு தொடர்கள் நிறைந்த சுழல் ரோலர் கோஸ்டர் திருப்பங்களுடன் சஸ்பென்ஸ் நிறைந்த முழுமையான க்ரைம் த்ரில்லர்.
