நாடு விமர்சனம் : நாடு அனைவரையும் கவனிக்க வைத்து மனநிறைவு தரும் | ரேட்டிங்: 3/5

நாமக்கல் மாவட்டம் கொல்லிமலையில் உள்ள தேவநாடு எந்தவித அடிப்படை வசதிகளும் இல்லாத ஒரு சிறு கிராமம். இந்த ஊரில் ஒரு அரசு மருத்துவமனை இருந்தும் மருத்துவர்கள் இல்லாததால் நிறைய உயிர் இழப்புகள் ஏற்படுகிறது. அதற்கு காரணம் அந்த மருத்துவமனைக்கு அரசு நியமிக்கும் மருத்துவர்கள் ஒரு வாரத்தில் இடமாற்றம் பெற்றுக்கொண்டு சென்றுவிடுகிறார்கள். இந்நிலையில் இந்த கிராமத்தை சேர்ந்த நாயகன் தர்ஷனின் தங்கையும் இறக்கிறார். உயிரிழப்பு அதிகரித்த நிலையில் அந்த கிராம மக்கள் போராடி  கலெக்டரிடம் மனு கொடுத்தும், தொடர்ந்து போராடி தங்கள் கிராமத்தில் உள்ள மருத்துவமனைக்கு ஒரு மருத்துவரை வர வைக்கின்றனர். இந்த ஊருக்கு மகிமா நம்பியார் மருத்துவராக வருகிறார். புதிதாக வந்த மருத்துவருக்கு உதவிகளை செய்து தருகிறார்கள் தேவநாடு ஊர் தலைவராக இருக்கும் சிங்கம் புலி, தர்ஷன் மற்றும் ஆர்.எஸ். சிவாஜி. மருத்துவர் மகிமா அந்த ஊர் மக்கள் சிலரது உயிரை காப்பாற்றியதால் இந்த ஊர் மக்கள் அவரை கடவுளாக பார்க்கின்றனர். ஆனால் அவருக்கும் அந்த ஊர் பிடிக்காததால் என்ற இடமாற்றத்திற்கான ஏற்பாடு செய்கிறார். விஷயம் அறிந்த ஊர் மக்கள் மருத்துவர் ஊரை விட்டு வெளியேறாமல் இருக்க சில முயற்சிகளை செய்கிறார்கள். அதன் பின் என்ன நடக்கிறது என்பதே ‘நாடு’ படத்தின் மீதிக்கதை.