சார்லஸ் எண்டர்பிரைசஸ் சினிமா விமர்சனம் : சார்லஸ் எண்டர்பிரைசஸ் பார்வையாளர்களின் கவனத்தை ஈர்க்கவில்லை | ரேட்டிங்: 2/5
நடிகர்கள்
ஊர்வசி – கோமதி
கலையரசன் – சார்லஸ்
பாலு வர்கீஸ் – ரவி குமாரசாமி
குருசோமசுந்தரம் – குமாரசாமி
இயக்குனர் – சுபாஷ் லலிதா சுப்ரமணியன்
ஓளிப்பதிவு- ஸ்வரூப் பிலிப்
இசை – சுப்ரமணியன் கே.வி
எடிட்டர் -அச்சு விஜயன்
தயாரிப்பு – ஜாய் மூவி புரொடக்ஷன்ஸ்
தயாரிப்பாளர் – டாக்டர். அஜித் ஜாய்
வெளியீடு – UFO Moviez
மக்கள் தொடர்பு – யுவராஜ்
சார்லஸ் எண்டர்பிரைசஸ் கதாநாயகன் ரவி (பாலு வர்கீஸ்), இரவில் மங்கலான பார்வை தன்மையுடன் ஒரு பிரபலமான உள்ளூர் காபி ஹோட்டலில் பணிபுரியும் ஒரு இளைஞன். அவரது பெற்றோர்கள் கோமதி (ஊர்வசி) மற்றும் தந்தை குமாரசாமி (குரு சோமசுந்தரம்) பிரிந்து வாழ்கிறார்கள். கணபதியின் தீவிர விசுவாசியான தனது தாயார் கோமதியுடன் ரவி வசித்து வருகிறார். அவர்கள் தங்கள் வீட்டில் முன்னோர்கள் மூலம் பெற்ற விலைமதிப்பு மிக்க கணபதி சிலையை பொக்கிஷமாக வைத்துள்ளனர். பழமையான கணபதி சிலையின் மீது ஆழ்ந்த மரியாதை கொண்ட கோமதி சிலையை மிகுந்த கவனத்துடன் பாதுகாத்து வருகிறார். அதே நேரத்தில் ரவி தனது இரவில் மங்கலான பார்வையால் சவால்கள் மற்றும் சில கடுமையான நிதி சிக்கல்களை எதிர்கொள்கிறான். பணப் பிரச்சனையில் விழும் ரவி, தனது சொந்த வீட்டில் இருந்து கணபதி சிலையை திருடி விற்க முடிவு செய்கிறான். ரவி சிலையை திருடி பாதுகாப்பான இடத்தில் மறைத்து வைக்கிறான். திருடிய சிலையை விற்க ரவி ஒரு பிக்பாக்கெட் காரன் (கலையரசன்) சந்தித்து அவனது உதவியை பெறுகிறார். அந்தச் சிலையை கணிசமான தொகைக்கு வாங்கத் தயாராக இருக்கும் ஒரு குழுவைச் சந்திக்கும் போது ரவியின் வாழ்க்கையில் என்ன நடக்கிறது என்பதே படத்தின் மையக்கரு. யார் அந்த பிக்பாக்கெட்காரன்? ரவிக்கும் அவனுக்கும் என்ன தொடர்பு? என்பதை படத்தில் காணலாம்.
பாலு வர்கீஸ் படத்தில் ஒரு கண்ணியமான சித்தரிப்புடன், ரவியின் குழப்பத்தையும் நம்பிக்கையின்மையும் அவர் சித்தரித்த விதம் மிகவும் பரிச்சயமான உணர்வைக் கொண்டுள்ளது.
ஆனால் உண்மையான ஏமாற்றம் ஊர்வசியின் கதாபாத்திரம். ஊர்வசி, தனக்குக் கொடுக்கப்பட்ட எந்த பாத்திரமானாலும் அதை நகைச்சுவை கலந்து சிறந்த படைப்பாக மாற்ற கூடிய தன்மை வாய்ந்தவர். சார்லஸ் எண்டர்பிரைசஸ் மோசமாக எழுதப்பட்ட கதாபாத்திரத்தில் சிறந்த படைப்பாக நடிப்பில் வழங்க முடியாமல் திணறியுள்ளார். போதுமான திரை நேரம் இருந்தபோதிலும், கோமதியின் கதாபாத்திரம் பலவீனமான படைப்பால் ஊர்வசியின் வலுவான நடிப்பை வழங்குவதைத் தடுக்கிறது.
கூடுதலாக, குரு சோமசுந்தரம் ரவியின் தந்தையாக சித்தரித்திருப்பது ஒரு மந்தமான கதாபாத்திரமாகும். குரு சோமசுந்தரம் இந்த படத்திற்கு ரவியின் தந்தையாக ஏன் தேவைப்பட்டார் என்று தெரியவில்லை மற்றும் அவரது நடிப்புத் திறனை முழுமையாக பயன்படுத்தாமல் வீணடிக்கப்பட்ட உள்ளது.
ஆனால் கலையரசனின் சார்லஸ் கதாபாத்திரத்தில் வளர்ச்சியடையாத தன்மை இருந்தபோதிலும், முரட்டுத்தனமும் கருணையும் ஒரு பிக்பாக்கெட் காரன் கேரக்டராக படத்திற்கு அவர் உயிர் கொடுக்கிறார்.
ஸ்வரூப் பிலிப்பின் பாராட்டுக்குரிய ஒளிப்பதிவை தவிர, சார்லஸ் எண்டர்பிரைசஸ் ஒரு திடமான கதைக்களம் அமையாததால் படத்தின் தொழில்நுட்ப அம்சங்கள் ஏமாற்றமளிக்கும் வகையில் பலவீனமாக உள்ளன.
நுட்பமான நகைச்சுவை, நட்பு, காதல், கனவுகள் மற்றும் பலவற்றால் உருவாக்கப்பட்ட சமூக நையாண்டியை முயற்சிக்கிறார் இயக்குனர் சுபாஷ் லலிதா சுப்ரமணியன். ஆனால் சார்லஸ் எண்டர்பிரைசஸ் பார்வையாளர்களைக் கவரும் வகையில் படத்தில் எந்த ஒரு உண்மையான நையாண்டி தருணங்களும், நகைச்சுவைக்கான முயற்சிகளும் படத்தில் இல்லை.
ஆரம்பம் முதலே படம் ஒரு தெளிவான திசை தெரியாமல் அலைவது போல் தெரிகிறது. கதை ஒரு நேர்த்தியான குடும்ப கதையாகவோ அல்லது க்ரைம் த்ரில்லராக இருக்கும் சாத்தியம் இருந்தது. இருப்பினும், சுவாரஸ்யமில்லாத, மந்தமான கதைசொல்லல் மற்றும் வியக்கத்தக்க அளவுக்கு திரைக்கதை அமையாததால் இயக்குனரின் படைப்பு பார்வையாளர்களின் ஆர்வத்தைத் தக்கவைக்க தவறிவிட்டது.
மொத்தத்தில் ஜாய் மூவி புரொடக்ஷன்ஸ் டாக்டர்.அஜித் ஜாய் தயாரித்துள்ள சார்லஸ் எண்டர்பிரைசஸ் பார்வையாளர்களின் கவனத்தை ஈர்க்கவில்லை.
