HR Pictures சார்பில் ரியா ஷிபு,  Jio Studios   உடன் இணைந்து வழங்கும், தக்ஸ். நடன இயக்குனர் பிருந்தா இயக்கி, நாயகனாக ஹிருது ஹாரூன், பாபி சிம்ஹா, ஆர்.கே.சுரேஷ், அப்பனி சரத், முனிஷ்காந்த், அனஸ்வரா ராஜன், பி.எல்.தேனப்பன், அருண் மற்றும் அரவிந்த் நடித்துள்ளனர்.

தொழில்நுட்ப கலைஞர்கள்:
தயாரிப்பு: ரியா ஷிபு, மும்தாஸ் எம்
பேனர் : ஜியோ ஸ்டுடியோவுடன் இணைந்து HR பிக்சர்ஸ்
இயக்கம்: பிருந்தா
ஒளிப்பதிவு : பிரியேஷ் குருசாமி
இசை : சாம். சி. எஸ்
எடிட்டிங் : பிரவீன் ஆண்டனி
நடன இயக்குனர் – பிருந்தா
தயாரிப்பு வடிவமைப்பாளர் – ஜோசப் நெல்லிக்கல்
மக்கள் தொடர்பு : சதீஷ்குமார், சிவா (AIM)

சேது (ஹிருது ஹாரூன்) ஒரு பட்டதாரி அனாதை. தன் தந்தை வேலை பார்த்த பிரபல ரவுடி அண்ணாச்சியிடம் (தேனப்பன்) வேலை செய்கிறான். அனாதை இல்லத்தில் தங்கியிருக்கும் ஊமைப் பெண்ணான அனஸ்வர ராஜனை முதல் பார்வையிலேயே காதலிக்கிறான். அவளை திருமணம் செய்து நிம்மதியான வாழ்க்கை வாழ நினைக்கும் போது பணத்தை திருடியதாக சிறையில் அடைக்கப்படுகிறான் சேது. அந்த சமயத்தில், சரியானதொரு தருணத்திற்காக காத்திருக்கும் சிறைவாசிகள் சிலர் காவல்துறையை தாக்கி விட்டு தப்பிச் செல்ல முயலும் போது, குறுக்கே சேது நுழைந்து அவர்களின் திட்டத்தை முறியடிக்கிறான். சிறையில் துரை (பாபி சிம்ஹா) மருது (முனிஷ் காந்த்) மற்றும் பல்வேறு நபர்களும் சிறையில் ஒரே அறையில் அடைக்கப்படுகிறார்கள். ஒருபுறம் ஜெயிலர் ஆரோக்கிய தாஸ்ஸின் (ஆர்.கே.சுரேஷ்) நன்மதிப்பும், மறுபுறம் சிறைவாசிகளின் கோபமும் பரிசாக கிடைக்க, சிறைவாசத்தில் நாட்கள் கழிகின்றன. இதனிடையே  சிறை ஊழியர்கள் சேதுவை கொல்ல நினைக்கிறார்கள்? சிறையிலுள்ள தனது அறை நண்பர் துரை (பாபி சிம்ஹா)வின் பிரச்சினையை தனக்கு சாதகமாக்கிக் கொண்டும், தன் மீது காவல் துறையினரின் வைத்துள்ள நல்ல அபிப்பிராயத்தை பயன்படுத்திக்கொண்டு, மருது (முனிஷ்காந்த்) மற்றும் பலர் சிறையிலிருந்து தப்பிக்க ஒரு திட்டம் தீட்டுகிறான் சேது. சிறை அறையில் சுரங்கம் தோண்டி அதன் வழியாக தப்பித்தார்களா? சிறை ஊழியர்கள் சேதுவை ஏன் கொல்ல நினைக்கிறார்கள்? இறுதியில் அவர்கள் திட்டம் நிறைவேறியதா? இல்லையா? என்பதே மீதிக்கதை.