போதை பழக்கத்திற்கு அடிமையாகிய தன் இளைய மகளுக்கு சிகிச்சை அளிக்க வேண்டும் என்பதற்காக தன் மூத்த மகள்களோடு மூவரும்  கொடைக்கானலில் உள்ள சொந்த சொகுசு பங்களாவில் வந்து தங்குகிறார்கள். அங்கிருக்கும் மருத்துவர் சொல்லும் ஒரு யோசனை என்னவென்றால் ‘உடனடியாக குணப்படுத்த முடியாது’ ஆனால் “கொஞ்சம் கொஞ்சமாக போதை காளான் மருந்துதாக கொடுத்து அதன் அளவை குறைத்து தான் நிறுத்த வேண்டும்’’ என்கிறார். அதனால் சட்டவிரோத செயலில் ஈடுபடும் தனது நண்பன் ஒருவன் மூலமாக போதை காளான்களை பெறுகிறார்;. அதை சப்ளை செய்யும் மூன்று ரவுடிகள் ஏற்கனவே போலீஸ் குற்றவாளி பட்டியலில் உள்ளவர்கள். இவர்கள் அந்த வீட்டுப் பெண்கள் மீதும் ஒரு கண் வைக்கிறார்கள். அத்துடன் அங்கு தங்கி அவர்கள் தான் அந்த சிகிச்சைக்கு உதவுகிறார்கள். இச்சூழலில் அந்த பங்களாவுக்குள் ஆவி இருப்பதும் தெரிய வருகிறது. அதன் பின் தொடர் கொலைகளை அந்த ஆவி நிகழ்த்துகிறது. ஏன் அந்த ஆவி கொலைகளை செய்கிறது? ரவுடிகளின் எண்ணம் நிறைவேறியதா? என்பதே மீதிக்கதை.