69வது தேசிய திரைப்பட விருதுகள் அறிவிப்பு: ‘கடைசி விவசாயி’ படத்துக்கும், தாத்தாவுக்கும் தேசிய விருது..
2021-ம் ஆண்டுக்கான 69-வது தேசிய திரைப்பட விருதுகள் இன்று அறிவிக்கப்பட்டுள்ளது. அந்த வகையில் தமிழில் மணிகண்டன் இயக்கத்தில் வெளிவந்த ‘கடைசி விவசாயி’ படத்துக்கு தேசிய விருது அறிவிக்கப்பட்டுள்ளது.
தமிழ் சினிமாவில் விவசாயத்தை மையமாக வைத்து நிறைய படங்கள் வந்துள்ளன, வந்து கொண்டிருக்கின்றன. இவற்றில் எல்லாம் தனித்துவமாக அமைந்துள்ளது இந்தப் படம். விவசாயத்தை விட்டுவிடக்கூடாது என போராடும் ஒரு விவசாயியின் வாழ்வியலே இந்தப் படத்தின் மையக் கதை.
69-வது தேசிய திரைப்பட விருதுகளுக்கான ஜூரி உறுப்பினர்கள், விருது பெற்றவர்களின் பட்டியலை மத்திய மந்திரி அனுராக் தாகூரிடம் ஒப்படைத்தனர். இதை தொடர்ந்து மத்திய மந்திரி அனுராக் தாகூர் தேசிய திரைப்பட விருதுகள் பெற்றவர்கள் விவரத்தை அறிவித்தார்.
திரைப்பட விருதுகள் பெற்றவர்கள் விவரம் வருமாறு:- சிறந்த நடிகைக்கான விருதை முறையே ‘கங்குபாய் கத்தியவாடி’ மற்றும் ‘மிமி’ படத்திற்காக ஆலியா பட் மற்றும் கீர்த்தி சனோன் பகிர்ந்து கொண்டனர்.
‘புஷ்பா: தி ரைஸ்’ படத்திற்காக அல்லு அர்ஜுன் சிறந்த நடிகருக்கான விருதை வென்றார்.
பி.லெனின் இயக்கிய ‘சிற்பிகளின் சிற்பங்கள்’ சிறந்த கல்வி திரைப்படமாக தேர்வு செய்யப்பட்டது.
‘காஷ்மீர் பைல்ஸ்’ திரைப்படத்தில் நடித்த பல்லவி ஜோஷிக்கு சிறந்த துணை நடிகைக்கான தேசிய விருது அறிவிக்கப்பட்டுள்ளது.
‘ஆர்ஆர்ஆர்’ படத்தின் ‘கொமுரம் பீமுடோ’ பாடலுக்காக சிறந்த பின்னணி பாடகருக்கான விருதை கால பைரவா வென்றார்
தேசிய ஒருமைப்பாடு குறித்த சிறந்த திரைப்படத்திற்கான நர்கிஸ் தத் விருதை காஷ்மீர் பைல்ஸ் வென்றுள்ளது.
‘ஷெர்ஷா’ திரைப்படம் சிறப்பு ஜூரி விருதை வென்றது.
மணிகண்டன் இயக்கிய ‘கடைசி விவசாயி’ படத்தில் நடித்த மறைந்த நடிகர் நல்லாண்டிக்கு தேசிய விருது அறிவிக்கப்பட்டு உள்ளது.
சிறந்த தமிழ்படம் – ‘கடைசி விவசாயி’ (மணிகண்டன்)
‘கருவறை’ என்ற ஆவணப்படத்திற்காக பிரபல இசையமைப்பாளர் ஸ்ரீகாந்த் தேவாவிற்கு தேசிய விருது அறிவிக்கப்பட்டுள்ளது. ‘கடைசி விவசாயி’ படத்தில் நடித்த மறைந்த நடிகர் நல்லாண்டிக்கு சிறப்பு பிரிவில் தேசிய விருது அறிவிக்கப்பட்டுள்ளது. மேலும் சிறந்த கல்வி திரைப்படமாக ‘சிற்பிகளின் சிற்பங்கள்’ என்ற ஆவணப்படத்திற்கு விருது அறிவிக்கப்பட்டுள்ளது.
