மார்கன் சினிமா விமர்சனம் : மார்கன் சஸ்பென்ஸ் நிறைந்த சூப்பர் நேச்சுரல் க்ரைம் த்ரில்லர்| ரேட்டிங்: 3.5/5

நடிகர்கள் :-
விஜய் ஆண்டனி – துருவ் கோரக்
அஜய் தீஷன் – தமிழறிவு
மகாநதி சங்கர் – காளி
சமுத்திரக்கனி – மூத்த ஏடிஜிபி ராஜா, தமிழ்​நாடு சென்னை
ராமச்சந்திரன் – முருகவேல்
பிரிஜிடா – இன்ஸ்பெக்டர் ஸ்ருதி
தீப்ஷிகா – ரம்யா
அர்ச்சனா – அகிலா
கனிமொழி – வென்னிலா
வினோத் சாகர் – உதவி ஆணையர்
நடராஜ் – மூத்த நரம்பியல் நிபுணர்
அருண் ராகவ் – IT HR
கதிர் – தரகர் முகவர்
ராஜாராம் – ஒளிப்பதிவாளர் லக்ஷ்மன் கார்த்திக்
அபிஷேக் – இயக்குனர் ராஜேஷ்
நிஹாரிகா – ரம்யா
தொழில்நுட்ப கலைஞர்கள் :-
இயக்குனர்: லியோ ஜான் பால்
இசை: விஜய் ஆண்டனி
தயாரிப்பு இல்லம்: விஜய் ஆண்டனி பிலிம் கார்ப்பரேஷன்
தயாரிப்பாளர்: பாத்திமா விஜய் ஆண்டனி
நிர்வாகி: தயாரிப்பாளர் நவீன் குமார்
ஒளிப்பதிவாளர்: எஸ்.யுவா
படத்தொகுப்பாளர்;: லியோ ஜான் பால்
கலை இயக்குனர்: ஏ.ராஜா
திரைக்கதை: விஷ்ணு, லியோ ஜான் பால்
நடனம்: பிரபு
இணை இயக்குனர்: பிரபு குப்புசாமி
இணை இயக்குநர்கள்: பிரேம்குமார்.கே.ஏ., ஜெய்சன், ஸ்வேதா செல்வராஜ், சந்துரு, பிரவீன் குமார்.டி.
உதவி இயக்குனர்கள்: அருண் பிரசாத்.ஆர், அஸ்விகா குமரவேல்
தயாரிப்பு மேலாளர்: கிருஷ்ணபிரபு
வண்ணம்: கௌஷிக் கே.எஸ்
ஆடை ஒப்பனையாளர்: ஷிமோனா ஸ்டாலின்
போஸ்ட் புரொடக்ஷன்: திவாகர் டென்னிஸ், ஹரிஷ்.ஒய்
ஒலி பொறியாளர்: எஸ் சந்திரசேகர்
VFX @ விஜய் ஆண்டனி ஸ்டுடியோ, பிக்ஸ்டோல் ஸ்டுடியோஸ், பேப்பர்பிளேன் டிவி, Nxgen  ஸ்டுடியோஸ், ரியல் ஒர்க்ஸ் ஸ்டுடியோஸ்
VFX கலைஞர்கள்: ஆதித் மாறன், காட்வின், சனத், சதீஷ், அருண், சிவா
DI: ப்ரோமோவொர்க்ஸ்
மாஸ்டரிங்: ஆதித்யா
கதை குழு: லியோ ஜான் பால, விஷ்ணு, கே.பழனி, பி.பரத் குமார்
படைப்பு விளம்பரங்கள்: பீட்ரூட்
மக்கள் தொடர்பு: ரேகா

ரம்யா என்ற இளம் பெண் சென்னையில் உள்ள ஒரு  பகுதியில் கொடூரமாக கொலை செய்யப்படுகிறார். ஒரு விசித்திரமான ஊசி போடப்பட்டதால் அவரது உடல் கருப்பாக மாறி இறந்து போகிறாள். அவளது கருகிய உடல் ஒரு காலனியில் உள்ள குப்பை மேட்டில் காணப்படுகிறது. அதனுடன், போலீசார் விசாரணையைத் தொடங்குகிறார்கள். நாடு முழுவதும் பரபரப்பை ஏற்படுத்திய இந்த வழக்கைக் கையாள துருவ் (விஜய் ஆண்டனி) மும்பையிலிருந்து கூடுதல் டிஜிபி சென்னைக்கு வருகிறார். சென்னையில் சீனியர் அதிகாரியான முத்துவேல் ராஜன் (சமுத்திரக்கனி) இந்த கேஸை அவரிடம் ஒப்படைக்கிறார். சரியாக ஒன்பதரை ஆண்டுகளுக்கு முன்பு, அவரது மகள் பிரியாவும் இதேபோன்ற முறையில் கொலை செய்யப்பட்டார். இது துருவாவுக்கு மிகப்பெரிய சோகத்தையும், வேதனையை ஏற்படுத்தியுள்ளது. இதன் காரணமாக, இந்த வழக்கில் அதிக கவனம் செலுத்தி அவர் இந்த வழக்கை தீவிரமாக எடுத்துக் கொள்கிறார். தனது மகளின் கொலைக்கு காரணமானவனை பிடிக்கும் முயற்சியில் கொலையாளி அதே போன்ற விசித்திரமான ஊசியை அவரது கழுத்து பகுதியில் செலுத்துகிறார்கள். சரியாக அந்த ஊசியை செலுத்தாததால் அவர் உயிர் பிழைத்து கொள்கிறார். ஆனால் அவரது உடலின் இடது பக்கத்தில் ஒரு பகுதி கருப்பாக மாறி விடுகிறது. துருவா இந்த கேஸை ஒரு தனிப்பட்ட சவாலாக எடுத்துக் கொள்கிறார். தனது மகளைப் போல வேறு யாரும் பலியாகக் கூடாது என்று அவர் தீர்மானிக்கிறார். இந்த விசாரணையின் போது, துருவா இந்த கொலை தொடர்பான சிறிய தடயங்களின் உதவியுடன், தமிழறிவு (அஜய் தீஷன்) என்ற ஒரு இளைஞரை சந்தேகிக்கிறார். அவருக்கு அரிதான ‘மெமரி பவர்’ இருப்பது தெரிய வருகிறது. தமிழறிவு மீது சந்தேகம் இருந்தாலும், தமிழறிவு வின் விசித்திரமான நடத்தை மற்றும் இயற்கைக்கு அப்பாற்பட்ட சக்திகளின் வெளிப்பாடு துருவாவை பிரமிக்க வைக்கிறது. தமிழறிவு வின் விசித்திரமான இயற்கைக்கு அப்பாற்பட்ட சக்திகளின் உதவியுடன் தமிழறிவு மூலம் இளம் பெண்களின் கொலைகள் தொடர்பான சில விஷயங்கள் வெளிச்சத்திற்கு வருகின்றன. தமிழறிவால் அதை எப்படிச் செய்ய முடிகிறது? இந்தக் கொலைகளுக்கு காரணம் யார்? இந்த மர்மத்தில் அர்ச்சனா (அகிலா) இன்ஸ்பெக்டர் ஸ்ருதி (பிரிகிடா) ரம்யா (தீப்ஷிகா) வெண்ணிலா (கனிமொழி) ரம்யா (நிஹாரிகா) மற்றும் காளி (மகாநதி சங்கர்) போன்ற கதாபாத்திரங்களின் முக்கியத்துவம் என்ன? மாடலாக தனது வாழ்க்கையைத் தொடங்கிய வெண்ணிலா யார்? போலீஸ் அதிகாரி துருவின் மகள் கொலைக்குக் காரணம் என்ன? இந்தக் கொடூரமான கொலைகளுக்கு பின்னால் உள்ள உண்மையான நோக்கம் என்ன? துருவா இந்த வழக்கை எவ்வாறு தீர்த்து வைத்தார்? இறுதியாக கொலையாளியை எப்படி பிடித்தார் என்பதே படத்தின் மீதிக்கதை.

விஜய் ஆண்டனி ஒரு தனித்துவமான, சீரியஸான தோற்றத்துடன் ஒரு தீவிரமான போலீஸ் அதிகாரி துருவ் வேடத்தில் தோன்றி எப்போதும் போல, அவர் தனது நிலையான நடிப்பால் ஈர்க்கிறார். குறிப்பாக, தனது மகளின் கொலையால் அவர் உடைந்து போகும் காட்சிகளில் பார்வையாளர்கள் மனதில் நிற்கிறார்.

அஜய் தீஷன் தமிழறிவு கதாபாத்திரத்தில் தனது சிறந்த நடிப்பால் அனைவரையும் கவர்ந்துள்ளார். இயக்குனர் முதல் பாதியில் அவரை ஒரு சைக்கோ கொலையாளி போல உணர வைத்தார், இரண்டாம் பாதியில் மென்மையானவராக  அவரிடத்தில் ஒரு மாறுபாட்டை காட்டியுள்ளார்.

சமுத்திரக்கனி சும்மா வந்து போகிறார்.

இன்ஸ்பெக்டர் ஸ்ருதி கதாபாத்திரத்தில் பிரிகிடாவுக்கு அதிக வாய்ப்பு கிடைக்கவில்லை.

தலைமை காவலர் காளியாக மகாநதி சங்கர் அவ்வப்போது பார்வையாளர்களை கலகலப்பாக வைத்துள்ளார்.

முக்கியமான சஸ்பென்ஸ் நிறைந்த சவாலான வெண்ணிலா கதாபாத்திரத்தில் கனிமொழி நேர்த்தியான நடிப்பு வழங்கி அசத்தி உள்ளார்.

அஜய் திஷானின் தங்கையாக அர்ச்சனா, ராமச்சந்திரன் (முருகவேல்), தீப்ஷிகா (ரம்யா), அர்ச்சனா (அகிலா), வினோத் சாகர் (உதவி ஆணையர்)இ நடராஜ் (மூத்த நரம்பியல் நிபுணர்), அருண் ராகவ் – (IT HR), கதிர் (தரகர் முகவர்), ராஜாராம் (ஒளிப்பதிவாளர் லக்ஷ்மன் கார்த்திக்), அபிஷேக் (இயக்குனர் ராஜேஷ்), நிஹாரிகா (ரம்யா) உட்பட அனைவரும் அவர்களுக்கு கொடுக்கப்பட்ட, வரையறுக்கப்பட்ட வேடத்தில் தங்களது திறமையை கச்சிதமாக வெளிப்படுத்தி உள்ளனர்.

விஜய் ஆண்டனியின் இசை மற்றும் எஸ். யுவராஜின் ஒளிப்பதிவு சுவாரசியமாக உள்ளது. VFX வேலைகள் சிறப்பாக செயல்படுத்தப்பட்டுள்ளது.

இயக்குனர் லியோ ஜான் எடிட்டராகவும் பணியாற்றி, ஒரு வழக்கமான சஸ்பென்ஸ், க்ரைம், த்ரில்லர் கதையை எடுத்து திரைக்கதையில் தொடர் கொலையாளிகள், தந்தை-மகள் மற்றும் சகோதர-சகோதரி உறவுகளை உள்ளடக்கிய உணர்ச்சிகரமான காட்சிகளுடன், க்ளைமாக்ஸில் ஒரு முக்கியமான திருப்பங்களுடன், இரண்டு மணி நேர நீளத்தில் கதையை ஈர்க்கும் வகையில் சுவாரஸ்யமாக இயக்கியுள்ளார்.

மொத்தத்தில், விஜய் ஆண்டனி பிலிம் கார்ப்பரேஷன் சார்பில் பாத்திமா விஜய் ஆண்டனி தயாரித்துள்ள மார்கன் சஸ்பென்ஸ் நிறைந்த சூப்பர் நேச்சுரல் க்ரைம் த்ரில்லர்.