ஜூன் 27ம் தேதி வெளியாகும் கண்ணப்பா படத்தின் தமிழக திரையரங்கு உரிமையை சக்தி பிலிம் பேக்டரி சக்திவேலன் கைப்பற்றியுள்ளார்

வரலாற்று புதினத்தை தழுவி உருவாகியுள்ள ‘கண்ணப்பா’ திரைப்படம் வருகிற 27-ந் தேதி வெளியாக உள்ளது.

தெலுங்கில் வரலாற்று புதினத்தை தழுவி உருவாகி இருக்கும் ஆன்மிக திரைப்படம் ‘கண்ணப்பா’. மிகவும் பிரபலமான மகாபாரதம் தொடரை இயக்கிய பாலிவுட் இயக்குனர் முகேஷ் குமார் சிங் இத்திரைப்படத்தை இயக்கி இருக்கிறார். வரலாற்று பின்னணியில் கடவுள் சிவனை வழிபடும் அவரது தீவிர பக்தன் கண்ணப்பரை பற்றிய கதையை தழுவி இப்படம் உருவாகி இருக்கிறது.

இத்திரைப்படத்தில் பிரபல தெலுங்கு நடிகர் விஷ்ணு மஞ்சு கண்ணப்பர் வேடத்தில் நடித்துள்ளார். மேலும், மோகன்லால், பிரபாஸ், காஜல் அகர்வால், அக்சய் குமார், பிரீத்தி முகுந்தன், மோகன்பாபு உள்ளிட்டோர் முக்கிய கதாபாத்திரங்களில் நடித்திருக்கின்றனர்.

‘கண்ணப்பா’ திரைப்படம் வரும் 27ம் தேதி தமிழ் , தெலுங்கு, இந்தி, ஆங்கிலம் , கன்னடம் ஆகிய மொழிகளில் ஒரு பான் இந்தியா திரைப்படமாக வெளியாகவுள்ளது. இப்படத்தின் மேக்கிங் வீடியோ சமீபத்தில் வெளியாகி வைரலானது.

‘கண்ணப்பா’ திரைப்படத்தின் டிரெய்லர் வரும் 13ம் தேதி வெளியாக உள்ளதாக படக்குழு அறிவித்துள்ளது.

https://x.com/kannappamovie/status/1932373276124438698

இந்நிலையில், சக்தி ஃபிலிம் ஃபேக்டரி உரிமையாளர் பி. சக்திவேலன், “கண்ணப்பா” திரைப்படத்தின் தமிழ்நாடு திரையரங்கு உரிமையை கைப்பற்றியுள்ளார். தமிழ், தெலுங்கு, மலையாளம், கன்னடம் மற்றும் இந்தி என அனைத்து மொழிகளிலும் ‘கண்ணப்பா’ படத்தினை பிரம்மாண்டமாக விளம்பரப்படுத்தி வெளியிட படக்குழு முடிவு செய்திருக்கிறது.

https://x.com/kannappamovie/status/1932671838733357429