மதத்துவேசமும், கடவுள் நிந்தனையும் ஒழியட்டும்.. ஒழியனும் – சூப்பர்ஸ்டார் ரஜினி பாய்ச்சல்! கந்தனுக்கு அரோகரா!!

0
143

மதத்துவேசமும், கடவுள் நிந்தனையும் ஒழியட்டும்.. ஒழியனும் –

சூப்பர்ஸ்டார் ரஜினி பாய்ச்சல்! கந்தனுக்கு அரோகரா!!

கருப்பர் கூட்டம் யுடியூப் சேனலில், கந்த சஷ்டி கவசம் தொடர்பான வீடியோ சர்ச்சையான நிலையில், போலீசில் புகாரளிக்கப்பட்டு, சேனலின் நிர்வாகிகள் கைது செய்யப்பட்டுள்ளனர்.

திமுக உள்ளிட்ட பல அரசியல் கட்சிகள் வீடியோவுக்கு கண்டனம் தெரிவித்தனர்.

இச்சம்பவத்துக்கு நடிகர் ரஜினிகாந்த் கண்டனம் தெரிவித்துள்ளார். இதுதொடர்பாக அவர் டுவிட்டரில் கூறியதாவது:-

கந்த சஷ்டி கவசத்தை மிகக் கேவலமாக அவதூறு செய்து, பல கோடி தமிழ் மக்களின் மனதைப் புண்படுத்தி கொந்தளிக்கச் செய்த, இந்த ஈனச் செயலை வாழ்க்கையில் மறக்க முடியாதபடி செய்தவர்கள் மீது துரிதமாக நடவடிக்கை எடுத்து சம்பந்தப்பட்ட வீடியோக்களை அரசு தலையிட்டு நீக்கியதற்காக தமிழக அரசுக்கு என்னுடைய மனமார்ந்த பாராட்டுக்கள். இனிமேலாவது மதத்துவேசமும், கடவுள் நிந்தனையும் ஒழியட்டும்… ஒழியணும்.

எல்லா மதமும் சம்மதமே!!! கந்தனுக்கு அரோகரா!!!

இவ்வாறு அவர் கூறியுள்ளார்.