பேனர் : ராணா புரொடக்ஷன்ஸ்
நடிகர்கள : விஷால், ரமணா, சுனைனா, பிரபு, தலைவாசல் விஜய், முனிஷ்காந்த், வினோத் சாகர், மிஷா கோஷல், பிரானா, சன்னி பிஎன், லிரிஷ் ராகவ், மற்றும் பலர்
தொழில்நுட்ப வல்லுநர்கள்:
தயாரிப்பாளர்கள் – ரமணா மற்றும் நந்தா
தயாரிப்பு – ராணா புரொடக்ஷன்ஸ்
இயக்குனர் – ஏ.வினோத் குமார்
இசை – யுவன் சங்கர் ராஜா
ஒளிப்பதிவு இயக்குனர் – பாலசுப்ரமணியம் மற்றும் பாலகிருஷ்ணா
எடிட்டர் – ஸ்ரீகாந்த் என்.பி
கலை இயக்குனர் – கண்ணன்.எஸ்
ஸ்டண்ட் டைரக்ஷன் – பீட்டர் ஹெய்ன்
நடன கோரியோகிராபி – தினேஷ்
ஆடை வடிவமைப்பாளர் – வாசுகி பாஸ்கர்
மக்கள் தொடர்பு – ஜான்சன்

லத்தி ஸ்பெஷலிஸ்டான முருகானந்தம் (விஷால்) கற்பழிப்பு வழக்கில் சந்தேகப்படும் ஒருவருக்கு லத்தி சிகிச்சை அளித்ததற்காக அவர் இடைநீக்கம் செய்யப்படுகிறார். தனிப்பட்ட முறையில், அவரது அன்பான மனைவி கவிதா (சுனைனா) மற்றும் அவரது  மகன் (மாஸ்டர் லிரிஷ் ராகவ்) அவரது வாழ்க்கை, அவர் மீது நம்பிக்கையை விதைத்து, அவரது மன உறுதியை உயர்த்துகிறார்கள். இதையடுத்து மீண்டும் வேலையில் சேர உதவி செய்யுமாறு உயர் அதிகாரி ஒருவரின் உதவியை நாடுகிறார். பின்னர் டிஐஜி கமலக் கண்ணன் (பிரபு) பரிந்துரையின் பேரில் அவருக்கு மீண்டும் வேலை கிடைக்கிறது. ஆனால் டிஐஜி அதே லத்தி உதவியை முருகானந்தாவிடம் தன் கஸ்டடியில் இருக்கும் வெள்ளை என்ற கிரிமினல் மீது காட்டும்படி கேட்கிறார். தான் டார்ச்சர் செய்யும் நபர் மிகவும் மோசமான கேங்ஸ்டரான சுறாவின் (சன்னி பிஎன்) மகன் வெள்ளை (ரமணா) என்பது முருகானந்தத்திற்கு தெரியாது. ஆனால் அது முருகானந்தாவிற்கும் அவரது குடும்பத்திற்கும் எதிர்பாராத பிரச்சனைகளை கொண்டு வருகிறது.
முருகானந்தம் குண்டர்களை எதிர்கொண்டு அவர்களிடமிருந்து தனது குடும்பத்தை பாதுகாக்க வேண்டிய கட்டாயத்தில் உள்ளார். இருப்பினும், முருகானந்தமும் அவரது மகனும் வில்லன்களால் சூழப்பட்ட கட்டுமானத்தின் கீழ் உள்ள கட்டடத்திற்குள் சிக்கிக் கொள்கிறார்கள். இருவரும் கொடூரமான கேங்ஸ்டரிடமிருந்து உயிருடன் தப்பிப்பார்களா என்பதே மீதிக்கதை.

ஒரு அப்பாவி கான்ஸ்டபிளாக விஷால் நியாயப்படுத்துகிறார். சமூகம் மற்றும் குடும்பத்தின் மீது அக்கறையுள்ள நேர்மையான போலீஸ் கான்ஸ்டபிளாக அவரது நடிப்பு பிரமிக்க வைக்கிறது. க்ளைமாக்ஸின் போது விஷாலின் உணர்ச்சிகரமான செயல், அந்த அட்டகாசமான நடிப்பு, காட்சியில் அவர் கடைபிடிக்கும் வெளிப்பாடுகள் பார்வையாளர்களை கவர்ந்துள்ளது. சண்டைக்காட்சிகள் என்று வரும்போது, விஷாலின் அர்ப்பணிப்புக்கு பாராட்டப்பட வேண்டும். ஆக்ஷன் காட்சிகளில் அத்தனை அட்டகாசமாக இருக்கிறார். ஆனால் க்ளைமாக்ஸ் ஆக்ஷன் காட்சியில் எதர்த்தம் இல்லை என்பது உண்மை என்றே சொல்லலாம்.

சுனைனா செவிலியர் மற்றும் அன்பான மனைவி, ஒரு கண்ணியமான பாத்திரத்தைப் பெறுகிறார், மேலும் அவர் தனது கதாபாத்திரத்தை நியாயப்படுத்துகிறார்.

விஷாலின் மகனாக குழந்தை நடிகர் லிரிஷ் ராகவ் சிறப்பாக நடித்துள்ளார். க்ளைமாக்ஸில் உணர்ச்சிகரமான காட்சிகளில் சிறப்பாக நடித்துள்ளார்.
வெள்ளை என்ற வேடத்தில் வில்லனாக நடித்திருக்கும் ரமணா, மிரட்டலான நடிப்பை வெளிப்படுத்தியுள்ளார்.

பிரபு ஒரு கேமியோ ரோலில் காணப்படுகிறார், தலைவாசல் விஜய், இயக்குனர் வெங்கடேஷ், முனிஷ்காந்த் மற்றும் ரமணாவின் அப்பாவாக நடித்திருக்கும் மலையாள நடிகர் என படத்தில் நடித்திருக்கும் அனைத்து நடிகர்கள் அவர்கள் கொடுத்த பாத்திரங்களுக்கு நியாயம் செய்திருக்கிறார்கள்.

யுவன் ஷங்கர் ராஜாவின் பின்னணி இசை ஆக்ஷன் பிரேம்களை உயர்த்தி சுவாரஸ்யமாக மாற்ற பெரிதும் உதவுகிறது.

பீட்டர் ஹெய்னின் மிரட்டலான சண்டைக் காட்சிகளை சுவாரஸ்யத்தை ஏற்படுத்தும் வகையில் பாலசுப்ரமணியம் மற்றும் பாலகிருஷ்ண தோட்டா ஒளிப்பதிவு கோணங்கள் படத்தின் விறுவிறுப்புக்கு கூடுதல் பலம் சேர்த்துள்ளது. எடிட்டர் ஸ்ரீகாந்த் என்.பி பங்களிப்பும் படத்திற்கு பெரிய பலம் சேர்த்திருக்கிறது.

பொன் பார்த்திபன் கதை எழுதியுள்ளார். லத்தி ஒரு நேர்மையான போலீஸ்காரனுக்கும் பயங்கரமான வில்லனுக்கும் இடையிலான வழக்கமான போலீஸ் கதை. ஏ.வினோத் குமார் விஷாலுடனான தனது லத்திக்காக குடும்ப உணர்வுகளுடன், உணர்ச்சி செயல்திறன் கூடிய போலீஸ் கதையைத் தேர்ந்தெடுத்து  போலீஸ்காரர்கள் படும் கஷ்டங்களை வெளிப்படுத்தி சுவாரஸ்யமாக முயற்சித்துள்ளார். இரண்டாம் பாதி முழுக்க முழுக்க ஒரு ஆக்ஷன் சீக்வென்ஸ். ஆனால் தங்கள் கான்ஸ்டபிள் ஒரு டானுடன் சண்டையிடுகிறார் என்பதை காவல் துறை அறிந்திருந்தாலும், யாரும் அவரை ஆதரிக்கவில்லை. இதில் எந்த அர்த்தமும் இல்லை. எதார்த்தம் இல்லா க்ளைமாக்ஸ் மட்டுமே படத்தின் மைனஸ்.

மொத்தத்தில் ராணா புரொடக்ஷன்ஸ் லத்தி கமர்ஷியல் ஆக்ஷன் திரில்லர்.