காதர்பாட்சா என்ற முத்துராமலிங்கம் சினிமா விமர்சனம் : காதர்பாட்சா என்ற முத்துராமலிங்கம் பார்வையாளர்களுக்கு ஏமாற்றமே மிச்சம்! | ரேட்டிங்: 2/5
இயக்குனர் முத்தையா இயக்கத்தில் ஆர்யா, சித்தி இட்னானி முன்னணி கதாபாத்திரத்தில் நடிக்கும் திரைப்படம் காதர்பாட்சா என்ற முத்துராமலிங்கம். இவர்களுடன் ஆடுகளம் நரேன், தமிழ், மதுசூதன ராவ் உள்ளிட்ட பலர் நடித்துள்ளனர். வெங்கட் ராஜன் படத்தொகுப்பு செய்ய, ஜிவி பிரகாஷ் குமார் இசையமைத்து இருக்கும் இந்தப்படத்திற்கு வேல்ராஜ் ஒளிப்பதிவு செய்து இருக்கிறார். ஜி ஸ்டுடியோஸ் மற்றும் டிரம்ஸ்டிக்ஸ் புரொடக்ஷன்ஸ் ஆகிய நிறுவனங்கள் இணைந்து தயாரித்துள்ளனர். மக்கள் தொடர்பு டி.ஒன் ரேகா, சுரேஷ் சந்திரா.
இராமநாதபுரம் மாவட்டத்தில் குழந்தைகளுடன் தனியாக வாழ்த்து வரும் தமிழ்செல்வி (சித்தி இட்னானி)க்கு சொந்தமாக நூறு ஏக்கர் உள்ளன. ஊரில் உள்ள தமிழ்செல்வியின் குடும்பத்தைச் சேர்ந்த யாராவது ஒருத்தர் தமிழ்செல்வியை மணந்து சொத்துக்
கரடுமுரடான காதர் பாஷாவாக படத்தை எடுத்துச் செல்லும் ஆர்யாவின் நடிப்பு ஓரளவு ஈர்க்கிறது. ஆனால், சண்டைக் காட்சிகளில் வெளுத்து வாங்கினாலும், அவரது டயலாக் டெலிவரி மற்றும் எமோஷனல் காட்சிகளில் அவரது நடிப்பு எடுபடவில்லை.
தொழில்நுட்ப ரீதியாக கதையோடு நம்மை ஒன்ற வைக்க கிராமத்து களத்தை கண்முன் நிறுத்தியுள்ளார் ஒளிப்பதிவாளர் வேல்ராஜ். ஆனால் அவரது உழைப்புக்கு ஜி.வி. யின் இசை மற்றும் பின்னணி இசையும், வெங்கட் ராஜன் படத்தொகுப்பும் சப்போர்ட் செய்ய வில்லை.
கொம்பன், விருமன் மற்றும் தேவராட்டம் ஆகிய படங்களை தொடர்ந்து சாதி வெறியை மையப்படுத்தி மீண்டும் ஒரு சாதி வெறியை கருவாக வைத்து கிராமப்புறங்களில் உள்ள சில குடும்பங்கள் தங்கள் செல்வத்தை வைத்து மற்ற குடும்பங்களின் செல்வத்தை அபகரிக்க எப்படி திருமணத்தை ஒரு கருவியாக பயன்படுத்துகிறார்கள் என்பதை காதர்பாட்சா என்ற முத்துராமலிங்கம் மூலம் இயக்குனர் முத்தையா, ஆக்ஷன், காதல், பாடல்கள் அனைத்தையும் திரைக்கதையில் கலந்து ஃபிளாஷ்பேக் காட்சிகளில் சலிப்பு தட்டி தலை சுற்றும் பல கிளை கதைகள் புகுத்தி பார்வையாளர்களை சோர்வடைய செய்துள்ளார் இயக்குனர் முத்தையா.
மொத்தத்தில் ஜி ஸ்டுடியோஸ் மற்றும் டிரம்ஸ்டிக்ஸ் புரொடக்ஷன்ஸ் ஆகிய நிறுவனங்கள் இணைந்து தயாரித்துள்ள காதர்பாட்சா என்ற முத்துராமலிங்கம் பார்வையாளர்களுக்கு ஏமாற்றமே மிச்சம்.
