கப்ஜா – திரைப்பட விமர்சனம்: கப்ஜா ரசிகர்களுக்கு ஏமாற்றம் | ரேட்டிங்: 2/5
கப்ஜா ஒரு பீரியட் ஆக்ஷன் த்ரில்லர் படமாகும். உபேந்திரா, ஸ்ரேயா, முரளி ஷர்மா, நவாப் ஷா, ஜான் கொக்கன், நினாசம் அஷ்வத், சுதா, தாஹா ஷா, அனூப் ரேவண்ணா, சந்தீப் மலானி, மற்றும் தன்யா ஹோப் ஆகியோர் நடிப்பில் பான் இந்தியா திரைப்படமாக வெளியாகியுள்ளது ‘கப்ஜா’ திரைப்படம்.
முன்னதாக இந்த படத்தின் காட்சிகள் கே.ஜி.எஃப் படத்தின் காட்சிகள் போன்று இருந்த நிலையில் இந்த படத்தின் மீதான எதிர்பார்ப்பு மேலோங்கி இருந்தது. இந்த படத்திற்கு கே.ஜி.எஃப் படத்திற்கு இசையமைத்த ரவி பஸ்ரூர் இந்த படத்திற்கும் இசையமைத்து இருக்கிறார்.
எடிட்டிங் தீபு எஸ்.குமார். ஒளிப்பதிவு அர்ஜுன் ஷெட்டி. ஆர். சந்துரு எழுதி இயக்கியுள்ளார்.
ஸ்ரீ சித்தேஸ்வரா எண்டர்பிரைசஸ் பேனரின் கீழ் ஆர் சந்திரசேகர் மற்றும் ராஜ் பிரபாகர் தயாரித்துள்ள இப்படம் கன்னடம், தமிழ், தெலுங்கு, இந்தி உள்ளிட்ட மொழிகளில் வெளியாகி உள்ளது.
கிச்சா சுதீபா அவரது நகரத்தின் குற்றவாளிகளிடம் பிரபல “ரவுடி” பற்றிய கதையைச் சொல்வதன் மூலம் “கப்ஜா” தொடங்குகிறது. அவர் பெயர் அர்கேஸ்வரா (உபேந்திரா). வெளிப்படையாக, அவர் 1945 இல் சங்க்ராம் நகரை ஆட்சி செய்த அம்ரேஷ்வரா என்ற சுதந்திரப் போராட்ட வீரரின் மகன். அவரது மறைந்த சகோதரன் பெயர் சங்கேஷ்வரா (சுனீல் பூரணிக்), மற்றும் அவரது தாயார் துளசி தேவி (சுதா). அம்ரேஷ்வரா மற்றும் அவரது ஆட்கள் பிரிட்டிஷ் மற்றும் டாக்காவின் இராணுவத்தால் கொல்லப்பட்டனர். இதனால் துளசி தேவி அர்கேஸ்வரர் மற்றும் சங்கேஸ்வரருடன் தப்பி ஓடிப்போறார். இந்தியக் கொடிகளையும், காந்தித் தொப்பிகளும் செய்துதான் அவர்கள் வாழ்க்கையை நடத்துகின்றனர். 1971 ஆம் ஆண்டில், விசாகப்பட்டினம் விமானப்படை அகாடமியில் அர்கேஷ்வரா பயிற்சி அதிகாரி ஆகிறார். அவர் மதுமதியை (ஸ்ரியா சரண்) காதலித்து திருமணம் செய்து கொள்ள விரும்புகிறார். மதுமதியின் தந்தை வீர் பகதூர் (முரளி ஷர்மா), அவர் கலீத்துடன் (டானிஷ் அக்தர் சைஃபி) அதிகாரத்திற்கான போரில் இருந்தவர். கலீத்தின் மகனை சாதாரண மக்களை துன்புறுத்துவதை தடுக்க சங்கேஷ்வரா கொல்கிறார். எனவே, கலீத் சங்கேஸ்வரரைக் கொல்கிறான். இதனால் உணர்ச்சி வசப்பட்ட உபேந்திரா தன் அண்ணன் மரணத்திற்கு பழி தீர்க்க பலரை கொலை செய்கிறார். அதன் பின் ரத்தம் தெறிக்க தெறிக்க என்ன நடக்கிறது என்பதே மீதிக்கதை.
உபேந்திராவின் அப்பட்டமான முகபாவங்கள் மிகவும் ஏமாற்றமளிக்கிறது. இவரின் நடிப்பில் ஒரு அவுன்ஸ் வசீகரம் இல்லை. அவர் நடந்து செல்லும் விதம் முதல், துப்பாக்கியால் சுடும் விதம் வரை அனைத்தும் கம்பீரம் இல்லை. தான் ஏற்ற கதாபாத்திரத்திற்கு அவர் உயிர் கொடுக்க வில்லை என்று தான் சொல்ல வேண்டும்.
நாயகி ஸ்ரேயா தனது சிறந்த நடிப்பால் நேர்த்தியாகவும் புடவையில் அழகாகவும் இருக்கிறார். ஆனால் அவரது கதாபாத்திரத்தில் ஆழமும் உணர்ச்சியும் இல்லை.
சுதீப் சிறிய வேடத்தில், சிவராஜ் மிகச் சிறிய வேடத்தில் நடித்துள்ளனர். இருந்தாலும், அவர்கள் தோன்றும் காட்சிகள் கொஞ்சம் நிம்மதியை அளிக்கின்றன.
படத்தில் வில்லன்களுக்கு ஒரு பெரிய பில்ட்-அப் கொடுக்கப்பட்டுள்ளது, இவர்கள் எந்த ஒரு அதிரடி-கனமான காட்சிகள் பங்கேற்கும் நேரத்தில், இயக்குனர் ஏற்படுத்திய இந்த பில்ட்-அப் எந்த வில்லன்களுக்கும் துளியும் எடுபட வில்லை.
படத்தில் தான்யாவின் நடன காட்சி மட்டும் ஆறுதல்.
எடிட்டிங் தரமற்றது மற்றும் அப்பட்டமாக உள்ளது. ஒரு காட்சியில், ஹீரோவை பாதுகாக்கும் போலீஸ் அதிகாரிகள், சிறைக்குள் நுழையும் அனைத்து நுழைவாயில்களையும் தடுத்திருக்க, எதிரி மட்டும் ஹெலிகாப்டரில் பறக்கிறார். கதையில் தலை, கால் இல்லாமல் காதல் துணைக்கதை கொடுக்கப்பட்டுள்ளது.
ரவி பஸ்ரூரின் இசை ஒகே. ஆனால் ஒவ்வொரு காட்சியிலும் உரத்த மற்றும் எரிச்சலூட்டும் மிகவும் மோசமான பின்னணி இசை.
ஏ.ஜே.ஷெட்டியின் அற்புதமான கேமரா வேலை சுவாரசியமாக உள்ளது. மற்றும் செட் டிசைன் சிறந்ததாக உள்ளது, மேலும் கடந்த கால அமைப்பை மீண்டும் உருவாக்குவதில் விரிவாக கவனம் செலுத்தி நன்றாக சித்தரித்துள்ளனர்.
ஆக்ஷன் காட்சிகள் சிறப்பாக நடனமாக்கப்பட்டு செயல்படுத்தப் பட்டுள்ளது, அவை ஆக்ஷன் பிரியர்களுக்கு விருந்தாக அமைகிறது.
துப்பாக்கி சத்தம் மட்டும் இல்லை உணர்ச்சிகள் இல்லை உணர்வுகள் இல்லை. கதையோட்டத்தில் எந்த ஒத்திசைவு இல்லை, எல்லாம் துண்டு துண்டாக அலுப்பாக இருக்கிறது. மிக மோசமான சலிப்பூட்டும் திரைக்கதை பார்வையாளர்களின் எதிர்பார்ப்பை எட்டவில்லை. சதி எவ்வளவு வெளிப்படையாகவும், தந்திரமாகவும் இருக்க முடியுமோ, அந்த அளவுக்கு ரத்தம் சிந்துவது அதிக அளவில் உள்ளது. எந்த ஒரு கதாபாத்திரமும் எந்த ஆழத்தையும் பெறவில்லை, மேலும் 2ம் பாகம் உருவாக வாய்ப்பு இருப்பது அனைவரையும் ஆச்சரியத்தில் ஆழ்த்தியுள்ளது.
மொத்தத்தில் ஸ்ரீ சித்தேஸ்வரா எண்டர்பிரைசஸ் பேனரின் கீழ் ஆர் சந்திரசேகர் மற்றும் ராஜ் பிரபாகர் தயாரித்துள்ள கப்ஜா ரசிகர்களுக்கு ஏமாற்றம்.
