பீனிக்ஸ் சினிமா விமர்சனம் : பீனிக்ஸ் -ஆக்ஷன் பிரியர்களின் எதிர்பார்ப்புகளை பூர்த்தி செய்யும் ஒரு பக்காவான ஆக்ஷன் படம் | ரேட்டிங்: 3.5/5
நடிகர்கள் : சூர்யா சேதுபதி, வரலக்ஷ்மி சரத்குமார், சம்பத் ராஜ், தேவதர்ஷினி, முத்துக்குமார், ஒளிப்பதிவாளர் வேல்ராஜ், திலீபன், அஜய் கோஷ், ஹரிஷ் உத்தமன், மூனார் ரமேஷ், ‘காக்கா முட்டை’ விக்னேஷ், அபி நக்ஷத்ரா, வர்ஷா விஸ்வநாத், நவீன், ரோகித், மது வசந்த், கிஷோர், ரிஹான், பிரசாந்த், ரிஷி, நந்தா சரவணன், ஆடுகளம் முருகதாஸ், ஆடுகளம் நரேன், ஸ்ரீஜித் ரவி
படக்குழுவினர் :
தயாரிப்பு: ராஜலட்சுமி ‘அனல்’ அரசு
இயக்கம்: ‘அனல்;’ அரசு
கதை, திரைக்கதை, வசனம்: ‘அனல்’அரசு
ஒளிப்பதிவு இயக்குனர்: வேல்ராஜ் ஆர்.
இணை இயக்குனர்: என். ஜான் ஆல்பர்ட்
இசை: சாம் சிஎஸ்
எடிட்டர்: பிரவீன் கே.எல்
கலை இயக்குனர்: மதன் கே
பாடலாசிரியர்: விவேகா, மதன் கார்க்கி, லோகன், வித்யா
நடனம்: பாபா பாஸ்கர், ஜானி
அதிரடி: ‘அனல்’ அரசு
தயாரிப்பு நிர்வாகி: சக்தி ஜெகதீசன்
நிர்வாகத் தயாரிப்பாளர்: எம்.எஸ்.முருகராஜ்
மக்கள் தொடர்பு: ரியாஸ் கே அகமது, பராஸ் ரியாஸ்
ஆளுங்கட்சி எம்.எல்.ஏ. சம்பத்தை பட்டப்பகலில் நடுரோட்டில் 36 வெட்டுக்களுடன் வெட்டி சாய்க்கும் 17 வயது சிறுவன் சூர்யாவை கைது செய்து கோர்ட்டின் உத்தரவின்படி சிறுவர் சீர்திருத்தப் பள்ளியில் சேர்க்கிறார்கள் போலீஸ். கணவனை கொலை செய்த சூர்யாவை கொலை செய்ய துடிக்கும் எம்.எல்.ஏ சம்பத்தின் மனைவி வரலட்சுமி, ஒரு கரைப்பட்ட போலீஸ் உதவியுடன் சிறுவர் கூர்நோக்கு பள்ளியில் வைத்து சூர்யாவை கொலை செய்ய ஆட்களை அனுப்புகிறார். அங்கு சூர்யா அத்தனை பேரையும் அடித்து ‘துவம்சம்’ செய்கிறார். தாக்குதலிலும் சூர்யா காயம் பட்டாலும், பீனிக்ஸ் பறவை போல மீண்டும் உயிர்பிக்கிறார். அதை தொடர்ந்து கொலை வெறியுடன் தன்னை கொல்ல வரும் அடி ஆட்களையும் பந்தாடி அடித்து நோறுக்கிறார். எப்படியாவது சூர்யாவை கொன்று விட வேண்டும் என்று வெறியுடன் இருக்கும் வரலட்சுமியின் மகன் பெரியளவில் கூட்டத்தை கூட்டி சூர்யாவை கொல்ல திட்டம் தீட்டி தானே இந்த முறை களத்தில் இறங்குகிறான். ஒவ்வொரு முறையும் பீனிக்ஸ் பறவை போல மீண்டும் மீண்டும் உயிர்பிக்கும் சூர்யா இம்முறை கொலைகார கூட்டத்தின் சதி திட்டத்தை அறிந்து அவர்களை பெரிய அளவில் எதிர்கொள்ள தயாராகிறார். அடுத்து என்ன நடக்கிறது? சூர்யா எம்.எல்.ஏ. சம்பத்தை ஏன் கொலை செய்தார்? போன்ற கேள்விகளுக்கு அனல் பறக்கும் அதிரடி மூலம் விடை சொல்கிறது பீனிக்ஸ்.
மக்கள் செல்வன் விஜய் சேதுபதியின் மகன் சூர்யா சேதுபதி, தனது அறிமுகப் படத்திலேயே ஒரு ஆக்ஷன் ஹீரோவாக பிரமிக்க வைக்கிறார். சூர்யா தனது பாத்திரத்திற்கு தேவையான உடல் அமைப்பு மற்றும் இறுக்கமான முக பாவனைகளுடன் தன்னை முழுமையாக அர்ப்பணித்திருக்கிறார், சண்டை காட்சிகளில் மாஸ் காட்டியுள்ளார்.
சூர்யாவின் அண்ணனாக ‘காக்கா முட்டை’ விக்னேஷ், மற்றும் அம்மாவாக தேவதர்ஷினி இருவரும் தங்களது கதாபாத்திரத்தில் வாழ்ந்துள்ளனர்.
நல்ல கதைகளத்தில் சிறிய கதாபாத்திரமாக இருந்தாலும் முழுமையாக அர்ப்பணித்துக் கொண்டு கொலை வெறி பிடித்த பழிவாங்கும் மனைவியாக மிரட்டலான நடிப்பு தந்துள்ளார் வரலக்ஷ்மி சரத்குமார்.
சம்பத் ராஜ், முத்துக்குமார், திலீபன், அஜய் கோஷ், ஹரிஷ் உத்தமன், மூணார் ரமேஷ், அபி நக்ஷத்ரா, வர்ஷா விஸ்வநாத், நவீன், ரோகித், ஒளிப்பதிவாளர் வேல்ராஜ், மது வசந்த், கிஷோர், ரிஹான், பிரசாந்த், ரிஷி, நந்தா சரவணன், ஆடுகளம் முருகதாஸ், ஆடுகளம் நரேன், ஸ்ரீஜித் ரவி உட்பட அனைவரும் சிறந்த நடிப்பை வெளிப்படுத்தி உணர்ச்சி ஆழத்தை அதிகரிக்கும் திரைக்கதைக்கு வலு சேர்த்துள்ளனர்.
படத்தொகுப்பாளர் பிரவீன் கே.எல். 2 மணி 20 நிமிடம் இயக்க நேரத்தை விறுவிறுப்பாகவும், சரியான இடத்தில் அதிரடிகளை புகுத்தி அசத்தி உள்ளார்.
ஆர்.வேல்ராஜின் ஒளிப்பதிவு, வன்முறையை உள்ளுணர்வுடன் படம்பிடித்து அசத்தியத்துடன் சண்டை காட்சிகளில் அவரது காட்சி கோணங்கள் பிரமிக்க வைக்கிறது.
சாம் சி.எஸ். பின்னணி இசை அதிரடி காட்சிகளுக்கு வலு சேர்த்து படத்துடன் ஒன்ற வைக்கிறது.
‘அனல்’ அரசின் அசத்தலான பரபரப்புடன் செல்லும் சண்டை காட்சிகள் பிரமிக்க வைத்து சூர்யாவுக்கு ஒரு நல்ல ஆக்ஷன் ஹீரோவுக்கான பாதையை வழி வகுத்து தந்துள்ளது.
கொலைக்கு பழிக்கு பழி வாங்கும் உணர்ச்சிவசப்பட்ட கதையை மையமாக வைத்து குடும்பம், அண்ணன் தம்பி பாசம், காதல், நட்பு, இரத்தம், வியர்வை மற்றும் பழிவாங்கல் ஆகியவற்றுடன் ஆரம்பம் முதல் இறுதி வரை விறுவிறுப்பாக நகரும் திரைக்கதை அமைத்து அதிரடி ஆக்சன் காட்சிகளுக்கு பெரிய அளவில் முக்கியத்துவம் கொடுத்து ஆக்ஷன் பிரியர்களுக்கான மாஸ் படமாக இயக்கி இருக்கிறார் இயக்குனர் அனல் அரசு.
மொத்தத்தில் ராஜலட்சுமி ‘அனல்’ அரசு தயாரித்துள்ள பீனிக்ஸ் -ஆக்ஷன் பிரியர்களின் எதிர்பார்ப்புகளை பூர்த்தி செய்யும் ஒரு பக்காவான ஆக்ஷன் படம்.
