சாலா சினிமா விமர்சனம் : சாலா மதுப்பழக்கம் பொதுமக்களின் வாழ்க்கை சீரழிக்கிறது என்பதை உணர கண்டிப்பாக மதுப்பிரியர்கள் உட்பட அனைவரும் பார்க்க வேண்டிய படம்| ரேட்டிங்: 3/5

பீப்பிள் மீடியா ஃபேக்டரியின் டி.ஜி.விஸ்வபிரசாத், விவேக் குச்சிபோட்லா இணைந்து தயாரித்துள்ள திரைப்படம் சாலா. எஸ்.டி.மணிபால் எழுதி இயக்கியுள்ளார்.

நடிகர்கள் :
சாலாவாக தீரன்
புனிதாவாக ரேஷ்மா வெங்கடேஷ்
தங்கதுரையாக சார்லஸ் வினோத்
டாஸ்ஸாக ஸ்ரீநாத்
குணாவாக அருள்தாஸ்

தொழில்நுட்ப கலைஞர்கள் :
தயாரிப்பு – மக்கள் ஊடக தொழிற்சாலை
தயாரிப்பாளர் – டி ஜி விஷ்வ பிரசாத்
இணை தயாரிப்பு – விவேக் குச்சிபோட்லா
கிரியேட்டிவ் தயாரிப்பாளர் – வி. ஸ்ரீ நட்ராஜ்
நிர்வாகத் தயாரிப்பாளர் – விஜய ராஜேஷ்
இயக்குனர் – எஸ்டி மணிபால்
ஒளிப்பதிவு – ரவீந்திரநாத் குரு
இசையமைப்பாளர் – தீசன்
ஆசிரியர் – புவன்
கலை இயக்குனர் – வைரபாலன்
ஸ்டண்ட் – மகேஷ் மேத்யூ மற்றும் ரக்கர்ராம்
மக்கள் தொடர்பு – நிகில் முருகன்23 ஆண்டுகளாக கேங்க்ஸ்டர் போர் காரணமாக மூடப்பட்டிருக்கும் ராயபுரத்தில் உள்ள புகழ்பெற்ற பார்வதி பார் மதுக்கடையின் பின்னணியில் அதிகாரப் போட்டிகள், கௌரவம் மற்றும் சமூகச் செயல்பாட்டின் கருப்பொருள்களை சாலா ஆராய்கிறது. 1969-ல் பார்வதி பார் என்ற மதுக்கடையை நடத்தும் குணாவுக்கும்  (அருள்தாஸ்) எதிர் கோஷ்டிக்கும் மதுக்கடையை குத்தகைக்கு எடுக்கும் பிரச்சனையில் நடக்கும் மோதலில் தனது உயிரைக் காப்பாற்றும் சிறுவன் சாலாவை தத்தெடுக்கிறார் குணா. அந்த மோதலுக்கு பின் பார்வதி பார் மீண்டும் ஏலம் விடுபடாமல் மூடப்பட்டு கோர்ட்டில் வழக்கு நடைபெறுகிறது. இந்த சிறுவன் சாலாவாக (தீரன்) வளர்கிறான், அவனை வளர்த்த  குணாவின் விருப்பமான பார்வதி பாரை மீட்டெடுப்பதே அவனது முக்கிய குறிக்கோளாகும். பாரின் மற்ற பகை போட்டியாளர்  தங்கதுரை (சார்லஸ் வினோத்). இந்நிலையில், பள்ளிகள், கோயில்கள் மற்றும் மருத்துவமனைகளுக்கு அருகில் உள்ள மதுக்கடைகளை மூட தீவிரமாக எதிர்க்கும் பள்ளி ஆசிரியரும், சமூக ஆர்வலருமான புனிதா (ரேஷ்மா வெங்கடேஷ்) போராடுகிறார். புனிதாவின் மதுவுக்கு எதிரான பிரச்சாரம், ஆரம்பத்தில் சாலாவை எரிச்சலூட்டுகிறது, ஒரு கட்டத்தில்; அனாதை குழந்தைகளுக்கான அவளது நேர்மை மற்றும் அர்ப்பணிப்பு காரணமாக சாலாவை ஈர்க்கிறது. 23 ஆண்டுகளாக நடந்த வழக்கில் மீண்டும் பார்வதி பார் குத்தகைக்கு ஏலம் மூலம் விடலாம் என்று தீர்ப்பு வருகிறது. ஒருபக்கம் மதுக்கடையை மீண்டும் திறக்கும் முயற்சியில் சாலா ஈடுபட்டு கொண்டிருந்த போது, தங்கதுரை அதிக பணத்திற்கு ஆபத்தான ரசாயனங்கள் கலந்த சட்டவிரோத மதுபானத்தை விற்கத் தொடங்கும் போது எதிர்பாராத விளைவுகள் ஏற்படுகிறது. அடுத்து என்ன நடக்கிறது? பார்வதி பார் நிலை என்ன? என்பதே படத்தின் மீதிக்கதை.

கதையின் நாயகனாக அறிமுகமாகும் தீரன் இந்தப் படத்தில் நன்கு கட்டமைக்கப்பட்ட உடலமைப்புடன் முரட்டுத்தனமானவனாகவும், குணாவிற்கு நம்பிக்கைக்குரிய வனாகவும் சாலமன் (எ) சாலாவாக கச்சிதமாக பொருந்தி இருக்கிறார். நடனம் மற்றும் அதிரடி காட்சிகளில் கவனம் பெறுகிறார்.

அறிமுக நாயகி ரேஷ்மா வெங்கடேஷ், மதுபானக் கடைகளை மூட வேண்டும் என்று பிரச்சாரம் செய்து வரும் புனிதா கதாபாத்திரத்தில் நம்பகமான வசனங்களுடன் நேர்மையைக் கொண்டு வருகிறார்.

எப்போதும் போல் அருள்தாஸ் தனது பன்முகத் திறனை நிரூபித்துள்ளார்.
சாலாவின் உயிர் நண்பனாக ஸ்ரீநாத், ஊழல் இன்ஸ்பெக்டராக சம்பத் ராம், வில்லன் தங்கதுரையாக சார்லஸ் வினோத் உள்ளிட்ட அனைத்து துணை நடிகர்கள், பார்வையாளர்களின் ஆர்வத்தை தக்க வைக்கும் வகையில் திடமான நடிப்பை வழங்குகிறார்கள்.

மதுப் பழக்கம் காரணமாக சமூகத்தில் நடக்கும் பிரச்சனைகள் குறித்தும், அதனால் ஏற்படும் விளைவுகள் மற்றும் ஒரு ஒயின் ஷாப்பை குத்தகைக்கு எடுக்கும் பிரச்சினையில் இரண்டு கோஷ்டிகளுக்கு இடையே ஏற்படும் மோதலும், பகை என திரைக்கதை அமைத்து பார்வையாளர்கள் மத்தியில் கடுமையான தாக்கத்தை ஏற்படுத்தி நல்ல மெசேஜ் உடன் கமர்ஷியல் ஆக்ஷன் கலந்து சிறந்த தொழில்நுட்ப பங்களிப்புடன் மிக யதார்த்தமாக சொல்லியிருக்கிறார் அறிமுக இயக்குனர் எஸ்.டி.மணிபால்.

மொத்தத்தில் பீப்பிள் மீடியா ஃபேக்டரியின் டி.ஜி.விஸ்வபிரசாத், விவேக் குச்சிபோட்லா இணைந்து தயாரித்துள்ள சாலா மதுப்பழக்கம் பொதுமக்களின் வாழ்க்கை சீரழிக்கிறது என்பதை உணர கண்டிப்பாக மதுப்பிரியர்கள் உட்பட அனைவரும் பார்க்க வேண்டிய படம்.