கவுரவ டாக்டர் பட்டம் பெற்றார் நடிகர் சிலம்பரசன்

தமிழ் சினிமாவில் முன்னணி நடிகராக வலம் வரும் சிலம்பரசனுக்கு வேல்ஸ் பல்கலைக்கழகம் கவுரவ டாக்டர் பட்டம் வழங்கி இருக்கிறது.

உலகெங்கிலுமுள்ள முன்னணி பல்கலைக்கழகங்கள், கலைத் துறையில் சாதனை படைத்த முன்னணி கலைஞர்களுக்கு ஆண்டு தோறும் ‘கவுரவ டாக்டர்’ பட்டம் கொடுப்பது வழக்கம். அந்த வகையில் எம்.ஜி.ராமசந்திரன், சிவாஜி கணேசன், கமல்ஹாசன், விக்ரம், விஜய் உள்ளிட்ட பல கலைஞர்கள் கவுரவிக்கப்பட்டனர்.

அந்த வரிசையில் முன்னணி கல்வி நிறுவனங்களில் ஒன்றான ‘வேல்ஸ் பல்கலைக்கழகம்’ நடிகர் சிலம்பரசன் டி.ஆர்-க்கு கவுரவ டாக்டர் பட்டம் வழங்க இருப்பதாக அறிவித்திருந்தது. அதன்படி இன்று சிலம்பரசனுக்கு டாக்டர் பட்டம் வழங்கி கவுரவப்படுத்தியுள்ளது.

தனது அப்பா டி.ராஜேந்தர், அம்மா உஷா ராஜேந்தருடன் சென்று சிலம்பரசன் டாக்டர் பட்டத்தினைப் பெற்றுக்கொண்டார். அவருக்கு டி.ராஜேந்தர் முத்தமிட்டு வாழ்த்துகளைப் பகிர்ந்துகொண்டார். விஜிபி நிறுவனத்தின் சந்தோஷம், விளையாட்டு வீரர் மாரியப்பனுக்கும் விருதுகள் வழங்கப்பட்டன என்பது குறிப்பிடத்தக்கது.

சிலம்பரசன் பட்டம் வாங்கும் புகைப்படம் சமூக வலைத்தளங்களில் அதிகமாக பகிரப்பட்டு அவருக்கு வாழ்த்துகளும் குவிந்து வருகிறது.