நீண்ட இடைவெளிக்கு பிறகு மீண்டும் இணையும் சூர்யா – ஏ.ஆர்.முருகதாஸ் கூட்டணி?

நீண்ட இடைவெளிக்கு பிறகு மீண்டும் இணையும் சூர்யா – ஏ.ஆர்.முருகதாஸ் கூட்டணி?

அஜித்குமார் நடித்த ‘தீனா’ படத்தின் மூலம் பிரபல இயக்குனர்கள் பட்டியலில் இடம் பிடித்தவர், ஏ.ஆர்.முருகதாஸ். விஜயகாந்த் நடித்த ரமணா, சூர்யா நடித்த கஜினி ஆகிய படங்கள் மூலம் மேலும் பிரபலமானார். விஜய் நடித்த துப்பாக்கி, கத்தி, சர்கார் ஆகிய படங்களை இயக்கி ஹாட்ரிக் ஹிட் கொடுத்ததன் மூலம் நட்சத்திர இயக்குனர் என்ற அந்தஸ்தை பெற்றார்.

இவர் அடுத்ததாக விஜய்யின் 65-வது படத்தை இயக்க உள்ளதாக கூறப்பட்டது. இதற்கான முதற்கட்ட பணிகள் நடந்து வந்த நிலையில், ஏ.ஆர்.முருகதாஸ் திடீரென அப்படத்தில் இருந்து விலகினார். இதையடுத்து அவர் யாருடைய படத்தை இயக்கப்போகிறார் என்கிற எதிர்பார்ப்பு நிலவி வருகிறது.

இந்நிலையில், நடிகர் சூர்யாவை வைத்து ஏ.ஆர்.முருகதாஸ் படம் இயக்க உள்ளதாக சமூக வலைதளங்களில் தகவல் பரவி வருகிறது. மேலும் இந்தப் படத்தை மிகவும் பிரம்மாண்டமாக உருவாக்க ஏ.ஆர்.முருகதாஸ் திட்டமிட்டுள்ளாராம். இவர்கள் இருவரும் ஏற்கனவே ‘கஜினி’, ‘ஏழாம் அறிவு’ போன்ற படங்களில் இணைந்து பணியாற்றினர் என்பது குறிப்பிடத்தக்கது.